Пряшівскый самосправный край надвязав на серію златых оцінінь з послідніх річників цілословацького змаганя Златыйерб.ск. З актуалного 14. річника здобыв першу ціну за Найліпшу сторинку самосправного края і навыше і шпеціалну ціну за найліпшу безбарєрову сторинку самосправ. Славностне оцінїня і одовзданя ціны змаганя Златыйерб.ск 2017 ся одбыло минулый тыждень в рамках меджінародного конґресу ІТАПА в Братіславі. В змагані брало участь 77 самосправ. Порота оцінювала 63 критерій в 11 катеґоріях. Ціна Златый ерб ся приділює в трьох катеґоріях – найліпша сторинка самосправного края, найліпша сторинка міста і місьтской части і найліпша сторинка села. Змаганя од 2004 року каждорочні выголошує Унія міст Словакії і обчанске здружіня еСловакія. Головным цільом є підпорити інформатизацію словацькых самосправ, оцінити вынятковы проєкты, підпорити вымену скусености і оцінити снагу самосправ выужывати інформачно-комунікачны технолоґії.
(Петро Кімак-Фейко)