Словацькій пошті ся недарить найти в змаганях екстерны курєрскы фірмы на доручованя пакунків. Сполочность выголосила в опередніх місяцьох вісем змагань на тоты службы у вшыткых осмых краях Словакії в цілковій одгадованій сумі нецілых 16,36 міліонів евр без дані з приданой вартости. Пять з осмых змагань уж пошта і зрушыла, протоже в них недостала ани єдну понуку. Того часу такым способом суть в перебігу змаганя на службы екстерных курєрів уж лем в Жілінскім, Пряшівскім і Кошыцкім краю. Выбраны додавателі бы мали тоты роботы забезпечувати формов концесії на період двох років.
(Петро Кімак-Фейко)