Беспечностна рада не одобрила в четверь ани російску пропозіцію резолуції, котра мала продовжыти мандат міджінародного тіму перевіруючого хемічны утокы в Сірії. Стало ся так по тім, як Росіія ветовала обдобну пропозіцію передложену Споєныма штатами. Мандат перевіруючого тіму офіціално скінчів в четверь 16. новембра о півночі. Беспосереднё не было ясне, ці то буде значіти дефінітівный конець Взаємного перевіруючого механізму про Сірію, або ці ся найде можность холем на дочасне передовжіня ёго фунґованя. То бы членам Беспечностной рады дало веце часу на припадне досягнутя догоды.  Російска пропозіція на роздїл од америцькой пожадовала окрем продовжіня і управу сучасного мандату Взаємного перевіруючого механізму про Сірію, з чім США і далшы членове а Беспечностна рада ОСН небыли согласны.
(Зденка Цітрякова)