Тісячі обывателів мусіли в Кієві і Харкові евакуовати вчера з причины бомбовых поплахів выволаных анонімныма телефонатами. Як выпливать з інформації пресаґентуры УНІЯН, котра ся одкликавать на говоркыню кієвской поліції, з єдного з тамтешніх шпиталів евакуовали 150 людей. Будинок уж дослідили, але ніч підозріле незнайшли. З головной желізничной станіці мусіли достати до беспекы 900 людей, але і ту ніч небезпечне ненашли. Превадзку станіці так могли у вечерных годинах обновити в повнім розсягу. Дальшым місцем подобного припаду, на основі українскых медій, мав быти торговельный цетрум Ґулівер. В Харкові мусіли із з тых самых причин дочасно заперти штирі станіці підземной желізниці. Бомбовый поплах быв шак і на єднім з тамтешніх судів, з котрого мусіли евакуовати 250 людей. Ані ту шак ніч підозрілого ненашли.
(Петро Кімак-Фейко)