Цїлём новелы о непримераных условіях в обходных звязках є подля міністерства подогосподарьства сперегляднити обходны звязкы в додавательско-обходній послїдовности а наставити феровы односини міджі ґаздами, спрацователями і обходниками. В сучасности, нажаль, мають домінантне поставіня передовшыткым обходници, увела Зузана Пайґер Ачякова з одбору комунікації резорту подогосподарьства. Міністерство так реаґовало на крітіку Союзу обходу СР, подля котрого бы мала приправлёвана новела в подобі, в якій є передложена, важный досяг на словацькых обходників і потравинарів. Сойуз обходу крітізовав, же новела зараджує міджі субєкты обходного звязку попри додавателях і одберателях і здружіня одберателїв, што принесе словацькым обходником проблемы. Наприклад стяжіня выєднуючіх процесів, ці цїновых залежитости буде мати допад і на потравінарів. Далшым проблемом приправлёваной новелы є подля союзу і то, же закон заказує множстевны злявы. Новелу о непримераных условіях в обходных звязках приправило міністерство подогосподарьства а моментално ся находить в припомінкуючім дїяню.
(Зденка Цітрякова)