Од будучого рока ся молоды люде дістануть ід гіпотекам за новых условій. Заведе ся данёвый бонус на заплачены урокы при пожычках. Выходить то з новелы закона о банках, котру підписав презідент Андрій Кіска. По новім ся так змінять условія на гіпотекы про молодых. Тоты в сучасноти можуть за істых сповненых условій здобыти штатом дотовану гіпотеку знижену о 3%. Подля нового, підпору од штату при купованю негнутельности дістануть у формі данёво одраховательной часткы. Цілём змін є подля резорту фінанцій зєднодушіня i знижіня адміністратівных тяжкостей при цїлім процесї даваня пожычок. Звыгодніня буде у вышцї 50% зо заплаченых уроків в прислушнім зданёвацім періодї, найвеце але у вычцї 400 евр рочнї, причім вышка уроків мусить быти вырахована з уверу найвеце зо сумы 50 000 евр на єдну негнутельность. Нарок на бонус взникне почас пятёх беспосередно по собі слїдуючіх років, зачінаючі місяцём в котрім ся зачало урочіня пожычкы на бываня. Вікова граніця ся міняти не буде a зміны ся будуть дотуляти лем новых гіпотек.
(Зденка Цітрякова)