Центер про школіня пілотів гелікоптер з цілого світа вчера славностні отворили на кошыцькім аєродромі. Словак Тренінґ Академі буде про воєнскый і цівілный тренінґ выужывати і гелікоптеры америцькой выробы. За проєктом є словацька сполочность МСМ Ґруп в сполупраці с ческов сполочностьов Европын Ейр Сервіс. Актуалні мать Словак Тренінґ Академі к диспозиції бівше як 16 гелікоптер і його чісло хочуть побівшити. “До того проєкту маме плановану інвестицію за вецей як 25 міліонів доларів. Предпокладаме, же бы сме в горізонті приближні рока дали роботу коло 100 людям, велику сінерґію видиме ці уж в сполупраці із кошыцкым аєродромом або Літецьков факултов Технічной універзіты Кошыці,“ повів про новинарів конатель сполочности МСМ Ґруп Маріян Ґоґа.
(Петро Кімак-Фейко)