Єден чоловік вмер вчера у вечерных годинах при бомбовім атаку на націоналного українского посланця Іґора Мосійчука, до котрого прийшло в головнім місті Кієв. Четверо дальшых людей, включно самого Мосійчука, были з поранінями перевезены до шпиталя, інфомрмувало о тім на основі аґентуры ДПА українске міністерство внутра. Меджі пораненыма є і політолоґ Віталій Бала. Даный атак буде досліджувати Українска безпечностна служба як терорістічный атак на основі статі 258.трестного закона Україны. За дотеперішніма становлінями атак запричинила торгавина, котра была в запаркованій моторкі при вступі до резіденції інтернетовой телевізії Еспрессо, респективні в його близкості, де 45- річный Мосійчук брав участь в дискусії. Мосійчук є посланцьом од 2014 року а в 2015 быв заплатеный до корупчного шкандалу. Знамы суть його остры высловы на адресу політичных опонентів.
(Петро Кімак-Фейко)