Словацька републіка докаже быти впливнов і сувереннов державов лем в рамках єднотной Европской унії, причім каждый єден із важных проблемів не докаже вырішыти жадна держава Европской унії окремо. Згодли ся на тім в понедільок трьоми найвысшы конштітучны чінителі – председа парламенту Андрей Данко, председа влады Роберт Фіцо і презідент Андрей Кіска. Презідент Кіска повів, же люди потребують чути ся безпечно, зато привітав, же влада схвалила нову безпечностну і оборонну стратеґію. Вірить, же буде підпорена і Народнов радов Словацькой републікы. Андрей Кіска Робертови Фіцови і Андрейови Данкови в понедільок запропоновав, жебы ся стрічали перед каждым важным самітом Европской унії і НАТО.
(Петро Медвідь)