SNS вже має готову новелу закона о політічных партіях, котра має управити функціонованя штруктур ці запровадити ліміт на кількость членів. Данковці новелу хотять обговорити із Transparency International. „Закон о політічных партіях вже має свою параґрафову верзію. Но хочеме, жебы досправды сповняв вшыткы крітерії і жебы быв і приятый шыроков верейностьов. Зато перед тым, як піде закон на припомінкованя, хочеме знати і погляд Transparency International,“ повів председа партії Андрей Данко. Новелу хоче партія представити в осени. Закон бы мав рішыти нелем партійны штруктуры і ліміт на кількость членів, но і то, жебы представителі партії, котра раз была зрушена, не годны были під іншов значков знова кандідовати.
(Петро Медвідь)