Польскый презідент Андржей Дуда в пятніцю підписав закон о фінанцованю мімовладных орґанізацій. Крітіци закона мають страх, же польска конзерватівна влада може знеужыти тот закон на блокованя роботы тых орґанізацій, котрых діялность не схвалює. На ветованя закона презідентом апеловали і міджінародны людьскоправны орґанізації. Законом ся вытворить новый уряд, котрый буде діяти коло уряду председы влады. Народный інштітут свободы, як звучіть назва нового уряду, буде роздільовати фінанчны средства про 100 тісяч мімовладных орґанізацій в Польщі. Крітіци ся боять, же владный уряд буде зневыгодньовати ґрупы воюючі за права жен і комуніты ЛҐБТ.
(Петро Медвідь)