Місто Снина продовжує в своїх ославах 700-ой річніці. Вчера у каштелю одкрыли серію трьох выстав о шпорті під назвов Фотбал під Сниньскым каміньом. Од днешнього дня до пятніці 13-го октобра буде в кіносалі Дому културы в Снині проходити Meджінародный фестівал овтдоровых філмів, котрый ся у Снині одбуде уж третій раз. Фестіваловы філмы укажуть різны місця нашой планеты, де ся обычайный чоловік не дістане. В суботу 14-го октобра буде юбілей міста продовжовати в історічнім парку, де ся пополідне зачне подія під назвов Бої о Снину. Ту будуть презентованы укажкы боїв у 700-річній історії міста і реґіону. Навщівници увідять бої за 1-ой і 2-ой світовой войны, але і укажкы збоя на Земпліні.
(Петро Кімак-Фейко)