Америцькый презідент Доналд Трамп підписав в ночі на днесь выголосіня ставу катастрофы платну про многы окресы на севері штату Каліфорнія, котры од неділі траплять лісны пожары. Даным опатріням приділів так презідент Трамп фінанції про постигнуты окресы на помічны і ратунковы роботы. За “промтну реакцію“ уж Трампові на основі аґентуры ДПА подяковав каліфорнскый ґувернер Джері Бровн, інакше знамый як презідентів критик. При лісных пожарах на севері Каліфорнії вмерло на основі найновшой біланції тамтешніх пожарників сполу 15 людей і было знічено найменше 2000 родинных домів, подників і дальшых будинків.
(Петро Кімак-Фейко)