Кріміналістічно-експертизный устав дослідив вшытку зброю і стріливо, котры люде оддали в рамках третьой збройовой амнестії. Експерты досліджували 2857 зброї і 41 533 штук стрілива. Прес-аґентуру Словацькой републикы о тім інформувала Луція Кірінічова з прес-оділіня Канцеларії Міністерства внутра Словацькой републикы. Ани єдна зброя ці стріливо небыло причинов допущіня трестного поступку. Меджі одданов збройов были як правило піштолі і револьверы, ґульовниці, броковниці і малокалібровкы. Зброя походила з різных часовых епох. На основі резорту внутра суть інтересны головно тоты, котры походять з часів першой і другой світовой войны. Меджі одданов збройов ся шак обявила і пушка Шарпс з часів америцькой обчанской войны Север проти Югу або руска пушка Вінчестер Модел 1895 выробена про царске Руско.
(Петро Кімак-Фейко)