День німецкой єдноты є штатным святом зновузєдноченого Німецька. Пригадує ся од року 1991 каждорочні 3-ого октобра. Розділеня бывалого Німецька одбыло ся по скінчіню другой світовой войны. В його западных окупачных зонах, котры окуповали Споєны Штаты Америцькы, Британія і Франція, выголосили 7-ого септембра 1949 Німецьку сполкову републику. О місяць пізніше, 7-ого октобра 1949, у выходній зоні окупованой тодішнім Союзом радянськых соціалістічных републик, выголосили Німецьку демократичну републику. Симболом розділеня державы ся став мур, котрый по розділені Берліна быв выбудованый в авґусті 1961. К споїню Німецкой сполковой републикы і Німецькой демократічной републикы прийшло по року 1989 під впливом вывоя в бывшім Радянскім союзі. Наступ прореформного Міхаіла Ґорбачова до веджіня в року 1985 а ним подпорована ґласность і перестройка были причинов, же в Німецькій демократичній републикі прийшло к падіню комуністичного режиму і к валіню Берлинского муру.
(Петро Кімак-Фейко)