Уповномоченый влады про ромскы комуніты Абел Равас собі думать, же діти з народностных меншын бы ся ліпше научіли словацькый язык, кібы ся го учіли як другый язык, не як материньскый. „Про людей із народностных меншын є словацькый язык другый і мали бы сьме го так навчати,“ повів з тым, же Most-Híd довгодобо намагать ся змінити методіку навчаня словацького языка в меншыновых школах. „То є тота правилна путь. Ліпше навчаня словацького языка. А не вытиснутя меншыновых школярів з народностных школ,“ повів Равас. Додав, же кідь мадярьскы діти ся учать анґліцькый язык двараз або трираз за тыждень, знають го ліпше як словацькый, котрый ся учать пятьраз в тыждню, але способом, як кібы їм быв материньскым.
(Петро Медвідь)