Міністер културы Марек Мадяріч ся хотїв прямо на містї переконати о оподстатнености проєкту Обновме сі свій дім, з якого міністерство фінанцує обнову градных зруцанин і історічных парків. В горізонтї десятёх років мають Ясеновчане планы узаперти цїле опевніня граду. Замером є зрядити турістічно-інформачный центер,осадити вступну брану і перекрыти башту з каплічков. Доробити бы са мав і назнак водной прекопы і выглядкова турня. Оправы Ясеновського граду проходять уже од року 2011.
(Зденка Цітрякова)