Штат поможе самосправам в окресах Жіліна, Бітча, Рожнява, Ліптовскый Мікулаш і Стропків, котры противостояли вынятковым ситуаціям і переплатить ім кошты повязаны із захоронюючіма роботами. Вырішыла о тім влада, котра вычленила цілком 442 178 евр. Іде о зосунутя землі в Терховій, снігову каламіту в селі Лутіше, одстраніня скалного брала в Стречні, зосунутя землі в Коларівцях, снігову каламіту в Плешівці, поводні в селах Дубрава і Ліптовскій Порубкі, вітрову бурю в Міньовцях, Колбовцях і Стропкові. Фінанції достануть самосправы посередництвом окресных урядів.
(Петро Кімак-Фейко)