Міністерство господарства Словацькой републикы як спростредковательскый орґан про операчный проґрам Досліджуваня і іновацію выголосило вызву на предкладаня жадостей о наданя ненавратного вкладу заміряного на підпору мікро-, малых і середніх подників в найменше розвинутых окресах. Цільом вызвы є звышіня способности конкуровати малым і середнім подникам діючіх в даных реґіонах посередництвом підпоры іновеції продуктів, або выробных процесів. Максімална вышка ненавратного вкладу на єден проєкт є 1 міліон евр, мінімална є 100 000 евр.
(Петро Кімак-Фейко)