Турецко підписало с Руском догоду о закупліня противоздушных ракетовых сістемів С-400, за словами аґентуру ДПА, інформував о тім турецкый презідент Рецеп Ердоґан. З боку Турецка як членской державы НАТО іде о перше велике закупліня зброї з Руска, котре неє додавательом Североатлантічной аліянції. Даный контракт выкликав на Западі знепокоїня. Ердоґан шак выголосив, же Турецко може слободно закупляти арзенал подля потреб обраны свойой території.
(Петро Кімак-Фейко)