Міністер заграничных справ і европскых діл Словацькой републикы Мірослав Лайчак ся од днесь на 72. засідані Валного згромаждіня Орґанізації зєднаных народів офіціалні уяв місця председу Валного згромаждіня ОСН. Шефа словацькой діпломації до функції председу зволили заступцове членскых держав ОСН 31. мая 2017 року. Місце председу Валного згромаждіня ОСН буде Лайчак справляти єден календарный рік. Заступца Словакії здобыв таку высоку позицію в сістемі ОСН цалково по першый раз. Председа Валного громаждіня є протоколарні ныйвышов функціой в сістемі світовой орґанізації і репрезентує вшыткых 193 членскых держав.
(Петро Кімак-Фейко)