На вольне місце міністра школства сяде днешня директорка Проґностіцкого уставу Словацькой академії наук Мартіна Лубійова. Пітвердив то вчера председа Словацькой народной партії Андрей Данко. Лубійова так вымінить на місці міністра Петра Плавчана, котрый по критикі за перероздільовня еврофондів на выскум і іновацію абдіковав кінцьом авґуста на свою функцію. Данко ся на основі властных слов снажыв выбрати такого чоловіка, котрый докаже сполочность убезпечіти, же ту є інтерес гледати транспарентність.
(Петро Кімак-Фейко)