Дo школьскых лавок на Основній школі Коменьского в Meджілабірцях засіло і четверо малых чуджінців. Походжають з Румунії, Банґладеша і Aфґаністану. Подля інформацій Яны Лукачовой, директоркы канцеларії ґенералного директора Центра праці, соціалных справ і родины, iдe o дітей чуджінців, котры суть на Словакії без супроводу родічів або близкой особы. Бывають в лабірьскім Домові дітей Долонь, котрый є єдиным заряджіньом на Словакії, котре забезпечує старостливость о малы діти без супроводу.
(Петро Кімак-Фейко)