Югокорейскый президент Мун Че-ін абсолвовав вчера першый розговор с америцькым презідентом Доналдом Трампом одтовды, як Северна Кореа провела свою найновшу і дотеперь наймогутнішу скушку ядровой збрані. В перебігу приближні 40-мінутового телефонату ся лідры договорили, же як реакція на тот крок зрушать дотеперішне обмеджіня носности югокорейськых ракет. Презідент Трамп тыж підтвердив певный обовязок боронити Южну Корею. Обидві державы ся будуть снажыти о дальшы строгішы меджінародны санкції проти Северній Кореї. Мун ся в перебігу дня споїв і з рускым презідентом Владіміром Путіном і обговорили крокы, котры бы принутили Северну Корею к заставліню ядровых скушок.
(Петро Кімак-Фейко)