Передседа SNS Андрей Данко твердить, же бы не быв ани секунду у владі, кібы дішло ку конфлікту о Істанбулскім договорі. Повів, же кідь хтось на основі сексуалной орьєнтації зрече ся права репродукції, зрече ся тым, што му природа і Бог дали, бо кідь чоловік рішыть быти в гомосексуалнім одношіню, не може мати право выховльовати діти. Данко додав, же никого наперек тому не одсуджує і решпектує каждого, жебы вырішыв, як хоче жыти. Договор Рады Европы підписало вже 44 із 47-ох держав Рады Европы. Ратіфіковав ся вже у 23-ох державах. Конзерватівны ґрупы в Европі мають із договором проблем. Твердять, же запроваджать ґендерову ідеолоґію до міджінародного права.
(Петро Медвідь)