Україна іщі не є приготовлена на вступ до Североатлантічной аліанції. Повів то америцькый шпеціалный высланець про конфлікт на Україні Курт Волкер. Діпломат в розговорі высыланім в суботу вечур в україньскій телевізії далше підкреслив, же приготовліня на вступ до НАТО тырвають довго. Но має надію, же Київ буде способный зробити вшыткы потрібны реформы. За словами Волкера Споєны штаты Америкы, Европска унія і Російска федерація бы мали зрозуміти, же Україна є незалежна держава і є то лем їй рішіня, жебы встановила, коли буде приготовлена на вступ до НАТО. Но єдночасно Волкер повів, же то не значіть, же Україна є близко ку дістаню запрошіня до аліанції.
(Петро Медвідь)