Єден вбитый і десяткы пораненых є выслідком великого пожару в гісторічнім центрі міста Ростов на Доні, котрый взникнув у вечерных годинах в понеділок. Аґентуру ТАСС о тім днес інформувало локалне одділіня міністерства про вынятковы ситуації. Тіло жертвы нашли рятовниці вчера вечур в перебігу гасіня єдного з домів. Цілково є пораненых 58 людей і девять з ных было госпіталізованых. Пожар ся розгорів на території коло 10 тісяч квадратных. Пламя огню знищило коло 120 будинків, з того чісло 100 на прожывання. Уряды евакуовалі коло 600 людей а в місті выголосили стан огрожіння.
(Петро Кімак-Фейко)