„За проблемы з еврофондами є зодповідный Плавчан, мав бы быти хлоп і признати собі хыбу а не глядати винників в минулости. По року і пів міністер одповідать за своє міністерство“ – повів підпредседа влады Пелеґріні, під уряд котрого належыть контроля еврофондів. На то, ці бы мав Плавчан одступити, што жадать опозіція, Пелеґріні не одповів. „Teперь вшыткы одповідны бы мали робити день-ніч і через вікенды. Каждый єден день, о котрый посунеме термін, оддалює рішіня Комісії і гладкый ход платбы,“ повів Пелеґріні і додав, же му є жаль, же його уряду і йому самому не было уможнене ся тов вызвов заподівати. Miністерство школства го обышло a вызвы на довгочасный і стратеґічный выскум выписали день передтым, як выник його уряд.
(Анна Кузмякова)