Партія мадярьской комуніты бы была про партію Most-Híd подля підпредседы Мосту Ласла Шойомоша інтересным партнером і то головно в реґіоналных выборах в южных краях, зато го мерзить, же Партія мадярьской комуніты не хоче співпрацовати. Як повів Шойомош про аґентуру SITA, Партія мадярьской комуніты хотіла співпрацу лем в окресах, де то сама потребовала, но в іншых місцях не хотіла з Мостом до выборів іти. В реґіоналных выборах не є можливе робити коаліції лем про єден обвод і є треба доїднати ся в цілім краю. Подля Шойомоша ся так не схновала велика принагода зачати по роках співпрацовати. Є пересвідченый, же і так бы ся тоты дві партії, котры суть орьєнтованы на мадярьского волича, мали зближовати.
(Петро Медвідь)