Фінанчна справа по першый раз опубліковала список інтернетовых сторинок, котры понукають нелеґалны газардны гры. Іде о прияты крокы в бої проти нелеґалным актівітам на інтернеті. Список того часу вміщать в собі 10 сторинок, актуалізувати і доповнювати ся буде каждый тыждень. Інформувала о тім говоркыня фінанчной справы Патріція Мацікова. Данярі од юла контролюють нелеґалный газард на інтернеті. Активні гледають вебовы резіденції, котры публікують заказаны понукы і перевіряють імпулзы од обывателів. Фінанчна справа ословить і банковы інштитуції, в котрых бы превадзкователі могли мати свої розрахункы, абы їх блоковали.
(Петро Кімак-Фейко)