Европска унія повзбудила в неділю жытелів Іраку ку взаємному зміріню по тім, што тамтешня влада оголосила освободжіня міста Мосул спід надвлады терорістічной орґанізації Ісламскый штат. „Теперь має рішуче значіня, жебы ся зачав процес про навернутя і обновліня довіры міджі комунітами, і жебы вшыткы Ірачане могли зачати будовати свою сполочну будучность,“ повіла в недільняйшім выголошіню высока представителька ЕУ про загранічны діла Фредеріка Моґерініова і комісарь ЕУ про гуманітарну поміч і крізове ряджіня Хрістос Стіліанідіс. Ірацькый премєр Гайдар Абаді в неділю оголосив перемогу армады над Ісламскым штатом в Мосулі по дакілько місяців тырваючій офензіві. Представителі ЕУ выразили своє узнаня Ірачанам, покля іде о їх завзятость і воєньскы страты, і приобіцяли їм далшу підпору.
(Петро Медвідь)