Французьскый презідент Еммануел Макрон в понедільок одсудив штораз „безогляднішы пробы Росії о дестабілізацію“ сітуації в Молдавії. Повів то почас стрічі з молдавсков презідентков Маіов Сандуовов у Паріжі, де підписали договор о співпраці в области розкрываня діґіталных дезінформацій. Макрон выголосив, же вырішыли знова посилнити французьску співпрацу з Молдавійов із цільом звекшыти одолность Молдавії односно загранічного засягованя. Молдавска презідентка повіла, же обидві країны „обовязали ся споїти силы в боротьбі проти дезінформацій, бо в днешнім світі правда є єднако важнов як безпека“.

(Медвідь, TASR)