В суботу 1-го марца в селі Пожоґа, в Румунії, одбыло ся 5-те меджіконґресове засіданя Світовой рады Русинів (СРР). Рада обговорила дакілько пунктів, меджі котрыма быв і термін XVIII. Світового конґресу Русинів. Тот буде проходити в днях 12-го аж 15-го юна в столиці Румунії – Бухаресті. Конґрес першый раз в історії буде засідати в просторах парламенту. В рамках проґраму засіданя быв і пункт, котрый дотуляв ся жадости схвалити Декларацію о співпраці із Світовым конґресом Русинів од Саскачеваньской асоціації русиньской културы (Канада), а так само од Русиньского літературно-културного общества (Підкарпатя). Як інформовав Штефан Лявинець, через різны причіны наконець доїднало ся, же о тім пункті буде вырішовати ся на остатнім засіданю СРР, котре одбуде ся день перед початком XVIII. Світового конґресу Русинів.

(Медвідь)