Чехія зашорила свою пивну културу на народный Список нематеріалных статків традічной народной културы. Подля міністерства културы іде о феномен і традіцію, котру сі ґенерації Чехів передавають мінімално од половины 19. стороча. Запис схвалив шеф резорту Мартін Бакса. ,,Култура пива як субор традічных зналостей, способностей, звыклостей і сполоченьскых подїй є в Чехії непохыбно културно-соціалным феноменом. Чеське пивоварництво мать не лем богату традіцію, але є і важнов частёв нашой културной дїдовизны,“ увів Бакса. ,,Пиво є частёв векшыны сполоченьскых подїй в містах і на селах. Пивна култура преступує скоро цїлым сполоченьскым жывотом в ЧР, што было головнов мотіваціёв передкладателїв пропозіції на єй записаня до списку,“ приближыв резорт. Пропозіцію передложыли заступцёве чеського союзу пивоварів.

(TASR, Шутіова)