Прожывшы голокавст ся з нагоды 80-го вырочя ослободжіня концентрачного лаґеря Авшвітц-Біркенау поділили о свої пригоды в рамках діґіталной кампанії ‟пережыв єм Авшвітц: Незабудьте на то“. Інформує о тім  аґентура DPA. Конференція о жыдовскых матерялных правах у одношіню до Німецька, знама і як Claims Conference, вытворила споминану кампанію, в рамках котрой на соціалных сітях і своїй інтернетовій сторинці публікує відеосвідчіня жертв голокавсту. До кампанії ся залучіло веце як 80 людей, котры споминають на своє перебываня в німецькім націстічнім  таборі Авшвітц-Біркенау. Подля історіків лем в споминанім лаґері было вбито найменше 1,1 міліона людей, векшынов Жыдів. Жертвы голокавсту собі каждорочно припоминаме 27-го януара, котрый є Меджінародным дньом памяткы жертв голокавсту. (TASR, Pkf)