Чехію чекають на осінь вольбы до Посланецького сейму. Передвыборча кампанія подля чеського політолоґа  Петра Юста біжыть уж од мінулорічных европскых, крайскых і сенаторьскых волеб і з ближаючым ся терміном буде притверджувати. Покы вызерать, же рух ANO Андрея Бабіша, котрый є фаворітом волеб, буде мати веце як хоцьколи перед тым шанцу вытворити єднофаребну владу. Ведучій катедры політолоґії і анґлофонных штудій на Метрополітній універзіті в Празі (MUP) то повів в дебаті зо справодайцьом пресаґентуры  TASR. Днешня коаліція подля нього уж порозуміла, же проґрам неможе будовати лем на темі ‟антібабіш‟, але вольбы будуть главні о економіці. (TASR, Pkf)