Веце як два міліоны евр розділить крайска самосправа в року 2025 меджі успішных жадателів і підпорить дальшы проєкты в реґіонах. Вырішыли о тім посланці Пряшівского самосправного края (ПСК) на своїм посліднім засіданю (9-го децембра), де одобрили три вызвы дотачной схемы – Вызву посланців ПСК, Вызву партіціпатівный розрахунок і новинку – Вызву рішіня потравиновой доступности в цілковій сумі 2,4 мілона евр. Найвеце грошей , аж 1,95 міл. Евр, притім піде на Вызву посланців ПСК. Скоро 440-тісяч евр є выділеных на Вызву партіціпатіный розрахунок. На послідній дотачный проґрам – Вызва рішіня потравиновой доступности, до котрого ся можуть залучіти села до тісяч жытелів в Пряшівскім краю без камінного обходу є выділено веце як 48-тісяч евр. Жадателі ся можуть залучіти до трьох выголосеных проґрамів дотачной схемы ПСК уж од 1-го януара будучого року, причім термін на загнаня жадостей є лем до 31-го януара 2025-го року. Проєкты мусять быти зреалізуваны до 31-го октобра, выучтованя знова до 15-го новембра 2025-го року. (TASR, Pkf)