Приближно 20.000 евр дать штат на ліквідацію експірованых тестів на захворїня COVID-19 з часїв пандемії, котры ся актуално находять в централнім складї міністерства внутрїшнїх дїл в Жарновіцї. Міністер внутрїшнїх дїл Матуш Шутай Ешток (Hlas-SD) в середу на стрїчі з новинарьми інформовав, же в складох ся находять тесты в годнотї приближно 10 міліонів евр. ,,За тых десять міліонів евр сі думам, же словацькы обчане могли мати забезпечены подстатно важнїшы дїла, як тоты крабічкы, котры суть ту за нами а котры в короткім часї будуть зліклідованы, затоже так нам то приказує закон,“ увів шеф резорту.

(TASR, Шутіова)