Посланці Народной рады Словацькой републікы не были днесь ани на другу пробу узнесіняспособны на міморяднім засіданю ку одкликованю міністра внутрішніх справ Матуша Шутая Ештока. Презентовало ся лем 58 депутатів. О пропозіції на одкликаня Шутая Ештока мало бы ся їднати на найблизшім ряднім засіданю, котре має почати 4-го фебруара. Засіданя ку одкликаню міністра внутрішніх справ мало быти вже минувшый тыждень, але коаліція не підпорила одкрытя засіданя. Опозічна пропозіція на высловліня недовіры Шутайови Ештокови є уж перенесена на фебруар, но опозіція намагать ся досягнути скоріше засіданя.

(Медвідь, TASR)