Французьскый презідент Емануел Макрон у четверь по высловіню недовіры владї Міхела Барніера выголосив, же побуде у функції аж до конця свого мандату в року 2027. ,,Мандат, котрый сьте мі дали, є на пять років а буду го выконавати аж до конця,“ повів Макрон протягом 10-минутового прояву. Уточнив, же нового премєра выменує в найблизшых днёх, але ёго мено не назначів. В приговорі выступив  подля аґентуры АП енерґічно а обвинив своїх опонентів з крайной правіцї з одповідности за пад влады.

(TASR, Шутіова)