В неділю 1-го децембра 2024-го року проходили в Румунії парламентны вольбы. Гражданы выберали собі новых представителів Сенату і Посланецькой сеймовні – двох палат Парламенту Румунії. Окрім 31 політічных партій і аліанцій, котры змагали ся о кресла в парламенті, на вольбах брало участь і 19 орґанізацій, котры представлюють народностны меншыны, якы жыють в Румунії, і суть офіціално признаны. Народностны меншыны мають своїх представителів якраз в Посланецькій сеймовні. Аж 18 народностных орґанізацій притім в сеймовні могло здобити од єдного до сім мандатів. За русиньску народностну меншыну у вольбах подало кандідачный список Културне товариство Русинів Румунії, яке є і членом Світового конґресу Русинів. За орґанізацію кандідовав окрім іншого і Юліус Маріян Фірцак, котрый быв русиньскым депутатом і в двох попередніх періодах, і обгаїв єдночасно мандат члена парламенту за русиньску меншыну на дальшый період. За офіціалныма даныма із списованя жытелів 2021-го року в Румунії жыє 834 Русинів. Хоць чісло не є велике, но за списованьом із 2022-го року їх было лем 262. Фото: FB/Юліус Маріян Фірцак. (ЛЕМ.ФМ, Пкф)