Америцька понука дати Україні протипіхотны міны є злым кроком і запрічінить крізу ґлобалного договору о заказі хоснуваня мін. Днесь то увели в Камбоджі людьскоправны актівісты на стрічі сіґнатарів договору о заказі хоснуваня мін. Інформує о тім аґентура AFP. Людьскоправны орґанізації і актівісты довгочасово крітізують хоснуваня споминаных мін, котры огрожують цівілістів довгы рокы по скінчіню боїв. Їх хоснуваня не є правда заказане меджінародным правом, многы штаты але підписом Оттавского договору в року 1999 ся завязало, же уступить од їх хоснуваня. (TASR, Pkf)