Вольбы бы в другій половині новембра выграв опозічный рух Progresívne Slovensko із 21,2 процентами голосів. Тісно за ним быв была коалічна партія Smer-SD із 20,7 процентами. Выходить то з баданя волебных преференцій, котре про телевізію Joj зробила аґентура AKO. На третім місці бы скінчіла партія Hlas-SD, за котру бы голосовало 14,7 процента людей. До парламенту бы ся іщі дістала ліберална Sloboda a Solidarita із 6,9 процентами, Kresťanskodemokratické hnutie із 6,7 процентами, рух Slovensko, за котрый бы голосовало 6,6 процента людей, а рух Republika, якому бы дало голос 5,9 процента людей. Перед парламентом бы зістали Slovenská národná strana із 4,7 процентами, партія Demokrati із 4,1 процентами, Maďarská aliancia, котра бы мала 3,7 процента голосів, і Sme rodina з підпоров на уровни 3,6 процента. Решта політічных субєктів бы скінчіла під єдным процентом.

(Медвідь, TASR)