Австрійскый канцеларь Карл Негаммер у віторок інформовав, же абословав „приятельскый і перспектівный“ телефонат із новозволеным презідентом США Доналдом Трампом, пише аґентура Reuters. Телефонат одбыв ся в понедільок. За словами Негаммера діскутовали о ключовых темах, якыма суть енерґетічна безпека, економічна і безпечностна співпраца. Як додав на соціалній сіті X, тішыть ся на далшу співпрацу. Австрійскый канцеларь так само написав, же з Трампом знова потвердили сполочный обовязок підтримовати мір, просперіту і слободу на цілім світі. З новозволеным презідентом бісідовали і о довгодобій традіції Австрії як місця про меджінародный діалоґ.

(Медвідь, TASR)