Предсідателька Европского парламенту Роберта Метсолова одкрыла в понедільок вечур в Штрасбурзі штиридньове пленарне засіданя европарламенту з одказом на потребу ліпше хранити жены в Европі перед проявами насилства. Інформує о тім аґентура TASR. Метсолова европдепутатам припомянула, же 25-ый новембер є Меджінародным дньом одстороніня насилства робленого на женах. Перед пленарнов діскусійов о тім вопросі повіла, же будовы Европского парламенту в Штрасбурзі были в рамках кампани Зробме світ оранжовым освітлены оранжовов фарбов, чім інштітуція приєднала ся ку кампани Орґанізації зъєдиненых народів із єднаков назвов, котрой цільом є закінчіти насилство роблене на женах і дівчатах.

(Медвідь, TASR)