Европска унія бы ся мала намагати о конштруктівну кооперацію в области обходу з наступуючов адміністратівов новозволеного презідента США Доналда Трампа, але мусить быти тыж приготовлена засягнути коордінованым способом, кедь Споєны штаты заведуть новы цла на довоз з 27-членного европского блоку. Згодли ся на тім у четверь европскы міністры обходу. Трамп в передволебній кампани повів, же ЕУ ,, заплатить высоку цїну“ в подобі цла за то, же не накупує дость америцького експорту а досягує так пeребыткы в обходї зо США. Увів притім, же планує цла у вышцї 10 % аж 20 % на вшыток довоз до США, але з высшыма садзбами про Кітай, аж 60 %.

(TASR, Шутіова)v