Місто Свідник спустило другый рочник рождественной кампани Жертвуйте красше Рождество. Як інформує на своїй вебовій сторінцї, люде так можуть потїшыти тых, котры ся чують опущены або не мають можности забезпечіти сі дарунок під рождественный стромик. Люде можуть до 6. децембра принести на містьскый уряд в ташцї балічок, котрого частёв може быти і поздрав. Місто їх буде роздавати сеніорім і родинам в бідї до 20. децембра. Як уводить місто, рождественне несподїваня може быти становлене старшому чоловіку, цїлїй родинї або дїтинї. В балічку про родины може быти наприклад сполоченьска гра, крижовкы, книжка, кава, чоколадовый дезерт, козметіка, мыдло, парфін, шампон, деодорант і подобно. Про старшых людей то може быти наприклад і сошка ангела, руженець ці шал, дека або рукавіцї.

(TASR, Шутіова)