Іспанія в найблизшых трёх роках злеґалізує побіт приближно 300.000 міґрантів без докладів рочнї. Позераючі на старіючу популацію ся так намагать розшырити свої робочі силы. Ознамила то у віторок міністерка про міґрацію Елма Саізова. ,,Іспанія сі мусить выбрати меджі тым, ці буде отворенов, просперуючов державов, або державов запертов і худобнов, а мы сьме сі выбрали першу можность,“ повіла Саізова. Країна подля нєй потребує рочні приближно 250.000 аж 300.000 загранічных робітників, котры платять дани, жебы сі утримала якость соціалных служеб. Реформа скоротить і спростить правны і адміністратівны поступы про здобытя поволїнь на роботу і побіт.

(TASR, Шутіова)