Румунія од януара 2025-го року наповно приєднать ся до европского шенґеньского простору, выголосив у понедільок румуньскый премєр Марцел Чіолаку. Придати бы ся мала подля аґентуры Reuters і Булгарія. До шенґену тоты країны приєднали ся в марці того року часточно – жытелі тых країн мають можливость подорожыти літаком і по морі без гранічных контроль. Кедьже дістали вето з боку Австрії, шенґен не дотуляв ся про них поземных трас, кедьже Відень бояв ся волны міґрантів. Мадярьско буде в пятніцю гостити стрічу міністрів внутрішніх справ Австрії, Румунії і Булгарії. Подля румуньского премєра має в Будапешті підписати ся завершальный договор о повнім вступі країн до шенґеньского простору.

(Медвідь, TASR)