Шеф діпломації Европской унії (ЕУ) Йозеф Борелл запропонував, абы Европска унія позаставила політичный діалоґ з Ізраїльом з прічіны можного порушованя людьскых прав в конфлікті в Пасмі Ґазы. Інформовали о тім аґентуры DPA і Reuters з одкликаням ся на діпломатічны джерела. Борелл на основі дослідженя незалежных меджінародных аґентур высловив важный страх, же Ізраїль при своїй воєньскій операції в Пасмі Ґазы порушує людьскы права і меджінародне гуманiтарне право. О даній пропозиції будуть міністры заграничных справ членьскых країн ЕУ діскутовати в понедільок на засіданю в Бруселі, написала DPA. (TASR, Pkf)